ଡବ୍ଲୁଏଚଓ କହିଲା, କରୋନା ଆମ ସହ ରହିଥିବ

ନୂଆଦିଲ୍ଲୀ: କରୋନା ଭୂତାଣୁ କେବେ ଆମକୁ ଛାଡି ଯିବ ନାହିଁ । ସେ ଆସ ସହ ରହିଥିବ । ଅବଶ୍ୟ ଏହାର ଭୟାବହତା ହ୍ରାସ ପାଇଁବ ଔଷଧ ଓ ଟୀକା ବିକାଶ ହେବା ପରେ । ଏହା ଏଚଆଇଭି ସଂକ୍ରମଣ ଭଳି ସାଧାରଣ ଭୂତାଣୁ ରୂପେ ରହିବ । ମାନବ ପାଇଁ ଏହି ଭୂତାଣୁ ଅନ୍ୟ ‌ଏକ ଘାତକ ଭୂତାଣୁ ହୋଇପାରେ। ଏ ଭୂତାଣୁ କଦାପି ବିଦାୟ ନେବ ନାହିଁ ବୋଲି ବିଶ୍ୱ ସ୍ବାସ୍ଥ୍ୟ ସଙ୍ଗଠନର ଏକ୍ଜିକ୍ୟୁଟିଭ୍ ଡିରେକ୍ଟର୍ ମାଇକେଲ୍ ଜେ ରିୟାନ୍ କହିଛନ୍ତି।
ସେ ଆହୁରି କହିଛନ୍ତି, ମୁଁ ଏ ଦୁଇଟି ରୋଗକୁ ତୁଳନା କରୁନାହିଁ, କିନ୍ତୁ ମୋର ମନେହୁଏ ଆମେ ବାସ୍ତବବାଦୀ ହେବା ଦରକାର । ଏହି ଭୂତାଣୁ ଉଭେଇ ଯିବ ବା ନ ଯିବ ତାହା କେହି ଆଗତୁରା ଆକଳନ କରିପାରିବ ନାହିଁ।
ଡକ୍ଟର୍ ରିୟାନ୍ ଟିକା ପ୍ରସଙ୍ଗରେ କହିଲେ, ଆମେ ଏହି ଭାଇରସର ମୂଳୋତ୍ପାଟନ କରିପାରନ୍ତି। କିନ୍ତୁ, ସେ ଭଳି ଟିକା ମିଳିବା ଆବଶ୍ୟକ । ସେ ଟିକା ପୁଣି ଫଳପ୍ରଦ ହେବା ଦରକାର । ସ‌ମସ୍ତଙ୍କୁ ସେ ଟିକା ମିଳିବାର ବ୍ୟବସ୍ଥା କରିବା ଦରକାର। ପୁଣି ଆମେ ସମସ୍ତେ ସେ ଟିକା ନେଲେ ଯାଇ ଯାହା କିଛି ହୋଇପାରିବ।