ବସ୍, ସ୍କୁଟି ମୁହାଁ ମୁହିଁ….

(ନୟାଗଡ଼): ବସ୍ ସହ ସ୍କୁଟିର ମୁହାଁମୁହିଁ ଧକ୍କା । ଏପରି ଏକ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ବୁଗୁଡ଼ା ନିକଟରେ । ସୂଚନା ଅନୁଯାୟୀ ଆଜି ସକାଳୁ ୩ଜଣ ଲୋକ ସ୍କୁଟିରେ ଭୁବନେଶ୍ୱରରୁ ବାଲିଗୁଡ଼ା ଫେରୁଥିବା ବେଳେ ବଲାଙ୍ଗୀର ପଟୁ ଆସୁଥିବା ଏକ ବସ୍ ସହ ମୁହାଁ ମୁହିଁ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ୨ଜଣ ଗୁରୁତର ଭାବେ ଆହାତ ହୋଇଛନ୍ତି । ମୃତକ ଜଣକ ହେଉଛନ୍ତି ମନୋଜ ନାୟକ ଓ ଆହାତ ୨ ଜଣ ହେଉଛନ୍ତି ଅଲୋକ ଶତପଥୀ ଓ ରାଧେଶ୍ୟାମ । ଉଭୟଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଆଲୋକଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ଏନେଇ ବସ୍ ଡ୍ରାଇଭର ଦଶପଲ୍ଲାରେ ଆତ୍ମସମର୍ପଣ କରିଛନ୍ତି ।