(ମୁମ୍ବାଇ) : ଖୁବ ଶୀଘ୍ର ଗୋଟିଏ ପରଦାରେ ନଜର ଆସିବେ ବଲିଉଡ୍ର ଶ୍ରଦ୍ଧା କପୁର ଓ ରଣବୀର କପୁର । ତେବେ ଏପର୍ଯ୍ୟନ୍ତ ଉଭୟଙ୍କୁ ଏକସଙ୍ଗେ ପରଦାରେ ଦେଖିବାକୁ ମିଳିନାହିଁ । ଉଭୟଙ୍କୁ ପରଦାରେ ଏକାଠି ଦେଖିବାକୁ ବେଶ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । ନବବିବାହିତ ଫିଲ୍ମମେକର୍ ଲଭ୍ ରଞ୍ଜନ ଘୋଷଣା କରିଛନ୍ତି, ତାଙ୍କର ଏକ ଫିଲ୍ମ ଆସନ୍ତା ବର୍ଷ ମାର୍ଚ୍ଚ ୮ ତାରିଖ ଅର୍ଥାତ ହୋଲି ଅବସରରେ ମୁକ୍ତିଲାଭ କରିବ ।
ସୂଚନାନୁଯାୟୀ , ଲଭ୍ ରଞ୍ଜନ ଓ ଅଙ୍କୁର ଗର୍ଗ ଏହାର ପ୍ରଯୋଜନା ଦାୟିତ୍ୱ ହାତକୁ ନେଇଛନ୍ତି । ଏହା ପୂର୍ବରୁ ଚର୍ଚ୍ଚା ହେଉଥିଲା ଯେ ଶ୍ରଦ୍ଧା ନିଜର ଏକ ଅପ୍କମିଙ୍ଗ ଫିଲ୍ମର ସୁଟିଂ ଆରମ୍ଭ କରିଛନ୍ତି । ଏହି ସମୟରେ ସେ ଏକାଧିକ ଫିଲ୍ମର ସୁଟିଂରେ ବ୍ୟସ୍ତ ଥିଲେ ।
