ଇଟାୱା : ଉତ୍ତରପ୍ରଦେଶର ଇଟାୱା ଜିଲ୍ଲାରେ ଆଜି ଏକ ଭୟଙ୍କର ସଡ଼କ ଦୁର୍ଘଟଣା ଘଟିଯାଇଛି। ଆଜି ଅପରାହ୍ନରେ ଏକ ଟ୍ରକ ସହ କାର ଧକ୍କା ହେବା ଫଳରେ ପ୍ରାୟ ୫ଜଣ ଲୋକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୫ଜଣ ଗୁରୁତର ଆହତ ହୋଇଛନ୍ତି । ସୂଚନା ଅନୁଯାୟୀ, କାରର ଟାୟାରଟି କୌଣସି କାରଣରୁ ଫାଟିଯିବା ଯିବାରୁ ଗାଡିଟି ଅନିୟନ୍ତ୍ରିତ ହୋଇଯାଇଥିଲା। ଯାହା ଫଳରେ ଗାଡ଼ିଟି ଅନିୟନ୍ତ୍ରିତ ଅବସ୍ଥାରେ ଟ୍ରକ ସହ ଧକ୍କା ହୋଇଥିଲା | ସମସ୍ତ ମୃତ ବ୍ୟକ୍ତି ଇଟାୱା ଜିଲ୍ଲାର ଜସୱନ୍ତନଗରର ରାଧିକା ଫଟୋ ଷ୍ଟୁଡିଓରେ କାମ କରୁଥିବା ସୂଚନା ମିଳିଛି | ତେବେ ଘଟଣାରେ ଆହତ ପାଞ୍ଚ ଜଣଙ୍କୁ ସାଇଫାଇର ଏକ ସ୍ୱାସ୍ଥ୍ୟକେନ୍ଦ୍ରରେ ଗୁରୁତର ଅବସ୍ଥାରେ ଭର୍ତ୍ତି କରାଯାଇଛି। ଗୁରୁତର ଆହତ ମାନେ ବର୍ତ୍ତମାନ ଭେଣ୍ଟିଲେଟର ସାହାରାରେ ଅଛନ୍ତି | ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ସ୍ଥାନୀୟ ପୁଲିସ ଘଟଣା ସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛି । ତେବେ ଇଟାୱା ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଟ୍ୱିଟ ଯୋଗେ ସମବେଦନା ଜଣାଇଛନ୍ତି।
मुख्यमंत्री श्री @myogiadityanath जी महाराज ने जनपद इटावा में हुई एक सड़क दुर्घटना में लोगों की मृत्यु पर गहरा शोक व्यक्त किया है।
महाराज जी ने शोक संतप्त परिजनों के प्रति संवेदना व्यक्त करते हुए अधिकारियों को दुर्घटना में घायल हुए लोगों का समुचित उपचार कराने के निर्देश दिए हैं।
— Yogi Adityanath Office (@myogioffice) March 9, 2022
