(ମୁମ୍ବାଇ) : ଫିଲ୍ମ ‘ଆଦିପୁରୁଷ’କୁ ନେଇ ବିବାଦ ଥମିବାର ନା ନେଉନି । ସାଧାରଣ ଲୋକଙ୍କ ଠାରୁ ଆରମ୍ଭ କରି ଅଭିନେତା, ଅଭିନେତ୍ରୀ ଓ ରାଜନେତାମାନେ ସିନେମାରେ ବ୍ୟବହୃତ ସଂଳାପକୁ ନେଇ ବିରୋଧ କରିଛନ୍ତି। ମହାଭାରତରେ ଭୀଷ୍ମ ଭୂମିକାରେ ଅଭିନୟ କରିଥିବା ମୁଖେଶ ଖନ୍ନା ବି ନିଜ ପ୍ରତିକ୍ରିୟା ଦେଇଛନ୍ତି ।
ମୁକେଶ ଖନ୍ନା କହିଛନ୍ତି, ‘ମୁଁ ଆଦିପୁରୁଷ ସିନେମା ଦେଖିନାହିଁ। କି ଦେଖିବା ଜରୁରୀ ଭାବୁନାହିଁ। କିଛି ଜିନିଷ ଏମିତି ଥାଏ କି ଯାହାକୁ ନେଇ ଏତେ ନକରାତ୍ମକ ଭାବନା ସୃଷ୍ଟି ହୋଇଥାଏ କି ତାହାକୁ ଦେଖିବା ନଦେଖିବା ସହିତ ସମାନ । ମୁଁ ଏମିତି ଖରାପ ସିନେମା ଦେଖିବା ପାଇଁ ଚାହେଁ ନାହିଁ। ନିକଟରେ ନସିରୁଦ୍ଦିନ ଶାହଙ୍କ ଏକ ପ୍ରତିକ୍ରିୟା ଦେଇ କହିଥିଲେ କି, ମୁସଲମାନଙ୍କ ବିରୋଧରେ ଘୃଣା ଭାବ ସୃଷ୍ଟି ପାଇଁ ଏପରି ଏଜେଣ୍ଡା ପ୍ରସ୍ତୁତ କରାଯାଉଛି । ଏହା ପଛରେ ଶାସକ ଦଳର ହାତ ରହୁଛି। ସମାଜରେ ମୁସଲମାନଙ୍କ ପ୍ରତି ଘୃଣା ଭାବ ଏବେ ଏକ ପ୍ରକାର ଫ୍ୟାସନରେ ପରିଣତ ହୋଇଗଲାଣି। ମୁସଲମାନ ସୁରକ୍ଷିତ ନୁହନ୍ତି। ’ ଏହାକୁ ନେଇ ମୁଁ କହିବି ଏଠାରେ ଶହେ କୋଟିରୁ ଅଧିକ ହିନ୍ଦୁ ଥିଲେ ବି ସେମାନେ ସୁରକ୍ଷିତ ନୁହନ୍ତି। ସୁରକ୍ଷା ପାଇଁ ହିନ୍ଦୁଙ୍କ ଭିତରେ ଏକତା ଆବଶ୍ୟକ ରହିଛି। ମୋ ଦୃଷ୍ଟିରେ ମୁଁ ଏହି ଏକତା ଦେଖି ପାରୁନାହିଁ।’
