(ଦିଲ୍ଲୀ) : ସେପ୍ଟେମ୍ବର ୯ ଏବଂ ୧୦ ତାରିଖରେ ଜି-୨୦ ସମ୍ମିଳନୀ ହେବାକୁ ଥିବା ବେଳେ ସରଗରମ ହୋଇପଡିଛି ରାଜଧାନୀ । ସେପ୍ଟେମ୍ବର ୮ରୁ ୧୦ ମଧ୍ୟରେ ଦିଲ୍ଲୀରେ ଅନଲାଇନ ଫୁଡ୍ ଡେଲିଭରି ଉପଲବ୍ଧ ହେବନି। ଦିଲ୍ଲୀ ଏବଂ ଗୁରୁଗ୍ରାମ୍ରେ କମ୍ପାନି ଗୁଡ଼ିକ ୱାର୍କ ଫ୍ରମ୍ ହୋମ୍ ନିୟମରେ ଚାଲିବାପାଇଁ କୁହାଯାଇଛି।
ଜି-୨୦ ସମ୍ମିଳନୀ ପାଇଁ ଦିଲ୍ଲୀରେ ଲକଡାଉନ୍ ହେବ ବୋଲି ଜୋରଦାର ଗୁଜବ ହେଉଛି। ଯାହାକୁ ନେଇ ଦିଲ୍ଲୀ ପୁଲିସ ସ୍ପଷ୍ଟ କରି କହିଛି ଯେ ଜି-୨୦ ସମ୍ମିଳନୀ ପାଇଁ ଦିଲ୍ଲୀରେ ଲକଡାଉନ୍ ହେବନାହିଁ। ତେବେ ଅଳ୍ପ କିଛି କଟକଣା ରହିଛି। ଯେପରି କି , ଜି-୨୦ ସମ୍ମିନଳୀ ସମୟରେ ଦିଲ୍ଲୀର ସୁପ୍ରିମକୋର୍ଟ ମେଟ୍ରୋ ଷ୍ଟେସନ୍ ସେପ୍ଟେମ୍ବର ୮ରୁ ୧୦ ତାରିଖ ପର୍ଯ୍ୟନ୍ତ ବନ୍ଦ ରହିବ। ସେହିପରି ୩୯ଟି ସମ୍ବେଦନଶୀଳ ଷ୍ଟେସନ୍ରେ ପ୍ରବେଶ/ପ୍ରସ୍ଥାନ ଉପରେ ଅସ୍ଥାୟୀ କଟକଣା ଲାଗିଛି। ସମ୍ମିଳନୀ ପାଇଁ ଦିଲ୍ଲୀରେ ସୁରକ୍ଷା କଡ଼ାକଡ଼ି କରାଯାଇଛି। ଦିଲ୍ଲୀରେ ୧ଲକ୍ଷ ୩୦ ହଜାର ସୁରକ୍ଷାକର୍ମୀ ମୁତୟନ ହୋଇଛନ୍ତି।
