(ଦିଲ୍ଲୀ) : ଆଜି ବିଧିବଦ୍ଧ ଭାବେ ‘One Nation, One Election’ କମିଟିର ପ୍ରଥମ ବୈଠକ ବସିବା ପାଇଁ ଯାଉଛି । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଅଧ୍ୟକ୍ଷତାରେ ଦିଲ୍ଲୀରେ ଅନୁଷ୍ଠିତ ହେବ । ଏହି ସଭାରେ ପରବର୍ତ୍ତୀ ରୋଡମ୍ୟାପ ଉପରେ ଆଲୋଚନା କରାଯାଇପାରେ । ଏକ ସମୟରେ ଲୋକସଭା ଓ ବିଧାନସଭାର ନିର୍ବାଚନ କରିବା ପାଇଁ ପ୍ରୟାସ କରୁଛନ୍ତି କେନ୍ଦ୍ର ସରକାର । ଏହାକୁ କିପରି କାର୍ଯ୍ୟକାରୀ କରାଯିବ ସେ ନେଇ ବିଚାର କରିବା ପାଇଁ ଏହି ବୈଠକରେ ହେବ ଆଲୋଚନ ।
ସୂଚନାନୁଯାୟୀ, ଲୋକସଭା ଏବଂ ସମସ୍ତ ରାଜ୍ୟର ବିଧାନସଭା ନିର୍ବାଚନ ଏକ ସମୟରେ କରାଇବାଇ ପାଇଁ କେନ୍ଦ୍ର ସରକାର ଏକ କମିଟି ଗଠନ କରିଛନ୍ତି । ଏହି କମିଟି ପାଖରେ ସମସ୍ତ ନିର୍ବାଚନର ଡାଟା ରହିବ । ଯାହାର ଅଧ୍ୟକ୍ଷ ହେଉଛନ୍ତି ରାମନାଥ କୋବିନ୍ଦ ।
