(ବାରାଣାସୀ) : ଏକ ଭିଡିଓ ପାଇଁ ଆଜି ବଲିଉଡ ଅଭିନେତା ନାନା ପାଟେକର ହେଡଲାଇନରେ ଅଛନ୍ତି । ବାସ୍ତବରେ ଏହି ଭିଡିଓରେ ବାରାଣାସୀରେ ଚଳଚ୍ଚିତ୍ର ‘ଜର୍ଣ୍ଣି’ ର ଶୁଟିଂ ସମୟରେ ଅଭିନେତା ଜଣେ ପ୍ରଶଂସକଙ୍କୁ ଚାପୁଡ଼ା ମାରିଥିବାର ଭିଡିଓ ଭାଇରଲ ହେବାରେ ଲାଗିଛି । ଯେଉଁଥିପାଇଁ ତାଙ୍କୁ ସୋସିଆଲ ମିଡିଆରେ କ୍ରମାଗତ ଭାବେ ଟ୍ରୋଲ କରାଯାଉଛି ।
ସୂଚନାନୁଯାୟୀ , ବର୍ତ୍ତମାନ ଅଭିନେତା ଏକ ଭିଡିଓ ରିଲିଜ୍ କରି ସ୍ପଷ୍ଟୀକରଣ ଦେଇଛନ୍ତି ଏବଂ କ୍ଷମା ମଧ୍ୟ ମାଗିଛନ୍ତି । ଏହି ଭାଇରାଲ ଭିଡିଓ ପରେ ନାନା ପାଟେକର ନିଦ ସଫେଇରେ କହିଛନ୍ତି, ‘ମୁଁ ଜଣେ ଯୁବକଙ୍କୁ ମାରୁଥିବାର ଭିଡିଓ ଭାଇରାଲ ହେଉଛି । ହେଲେ ଏହା ମୋ ଅଜାଣତରେ ହୋଇଛି । ଆମ ଫିଲ୍ମର ସିନ୍ ଅନୁସାରେ ଏହା ଆରମ୍ଭ ହୋଇଥିଲା । ସିନ୍ ଅନୁସାରେ, ମୋତେ ଜଣେ ଯୁବକଙ୍କୁ ମାରିବାର ଥିଲା ଯାହା ମୋତେ ନିର୍ଦ୍ଦେଶକ କହିଥିଲେ । ଯାହା ପରେ ଉକ୍ତ ଯୁବକ ଜଣକ ମୋ ପାଖକୁ ଆସିଥିଲେ ଏବଂ ମୁଁ ଫିଲ୍ମର ସିନ୍ ଭାବି ତାଙ୍କୁ ଏକ ଚାପୁଡ଼ା ମାରିଥିଲି । ହେଲେ ପରେ ମୁଁ ଜାଣିଥିଲି ଯେ, ସେ ଆମ କ୍ରିଉ ମେମ୍ବର ନୁହନ୍ତି, ସେ ମୋର ଜଣେ ପ୍ରଶଂସକ ଥିଲେ । ଅଭିନେତା ଆହୁରି କହିଛନ୍ତି, ମୁଁ କାହାକୁ ସେଲଫି ନେବାକୁ ମନା କରିନାହିଁ । ଏହା ଭୁଲରେ ହୋଇଯାଇଛି । ମୋତେ କ୍ଷମା କରନ୍ତୁ । ଭବିଷ୍ୟତରେ ଏପରି ଭୁଲ ଆଉ ହେବ ନାହିଁ ।
