(ଦିଲ୍ଲୀ) : ଜଣାଶୁଣା ଅଭିନେତ୍ରୀ ରଶ୍ମିକା ମନ୍ଦାନା ଓ କାଜୋଲଙ୍କ ‘ଡିପ୍ଫେକ୍’ ବିବାଦକୁ ନେଇ ସାରା ଦେଶରେ ଚହଳ ପଡ଼ିଥିବା ବେଳେ ଆଜି ଏନେଇ ଗୁରୁତ୍ୱପୂର୍ଣ୍ଣ କଥା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
ମୋଦିଜି କହିଛନ୍ତି , ଯେ ଭାରତ ସାମ୍ନା କରୁଥିବା ବଡ ବଡ ବିପଦମାନଙ୍କ ମଧ୍ୟରୁ ଡିପ୍ଫେକ୍ ଅନ୍ୟତମ । ସେ କହିଛନ୍ତି ଯେ ଏହା ସମାଜରେ ଅରାଜକତା ସୃଷ୍ଟି କରିପାରେ। ମୋଦୀ ଅପିଲ କରିଛନ୍ତି ଯେ ଏବାବଦରେ ଲୋକ ନିଜେ ସଚେତନ ହେବା ସହ ସମାଜକୁ ଏ ବିଷୟରେ ଜାଗ୍ରତ କରାଇବା ଉଚିତ । ମୋଦୀ କହିଛନ୍ତି ଯେ ଏଆଇକୁ ଅପବ୍ୟବହାର କରି ଡିପ୍ଫେକ୍ କରାଯାଉଛି । ଆଉ ଉଭୟ ନାଗରିକ ତଥା ଗଣମାଧ୍ୟମ ଅତ୍ୟନ୍ତ ସତର୍କ ହେବା ଆବଶ୍ୟକ।
