(ପୁରୀ) : ଆଜି ବଡ଼ଦିନ ଦୁଇ ଟନ୍ ପିଆଜ ଓ ବାଲୁକା ରାଶିରେ ନିର୍ମିତ ହୋଇଛି ବୃହତ୍ ସାନ୍ତାକ୍ଲଜ ବାଲୁକା କଳା। ବ୍ଲୁ ଫ୍ଲାଗ ବିଚ୍ରେ ୧୦୦ ଫୁଟ ଲମ୍ବ, ୨୦ ଫୁଟ ଉଚ୍ଚ ଓ ୪୦ ଫୁଟ ପ୍ରସ୍ଥ ବିଶିଷ୍ଟ ସାନ୍ତାକ୍ଲଜ ସ୍ଥାପତ୍ୟ ପ୍ରସ୍ତୁତ କରିଛନ୍ତି ଶିଳ୍ପୀ ସୁଦର୍ଶନ ପଟ୍ଟନାୟକ। ବଡ଼ଦିନ ଅବସରରେ ପ୍ରସ୍ତୁତ ଏହି ବୃହତ୍ ବାଲୁକା କଳା ‘ୱାର୍ଲଡ୍ ରେକର୍ଡ ବୁକ୍ ଅଫ୍ ଇଣ୍ଡିଆ’ ରେକର୍ଡରେ ସ୍ଥାନିତ ହୋଇଛି।
ସୂଚନାନୁଯାୟୀ , ପ୍ରତିବର୍ଷ ବଡ଼ଦିନ ପରିପ୍ରେକ୍ଷୀରେ ସୁଦର୍ଶନ ପଟ୍ଟନାୟକ ଓ ତାଙ୍କଠୁ ପ୍ରଶିକ୍ଷିତ ଶିଳ୍ପୀଙ୍କ ଦ୍ବାରା ସାନ୍ତାକ୍ଲଜ ବାଲୁକା କଳା ପ୍ରଦର୍ଶିତ ହୋଇଆସୁଛି। ଆଜି ଏହି ବୃହତ୍ ବାଲୁକା କଳା ସମ୍ପନ୍ନ କରିବାକୁ ଶ୍ରୀ ପଟ୍ଟନାୟକ ଓ ତାଙ୍କ ସ୍ୟାଣ୍ଡ ଆର୍ଟ ସ୍କୁଲର ଛାତ୍ରଛାତ୍ରୀମାନଙ୍କୁ ୮ ଘଣ୍ଟା ସମୟ ଲାଗିଛି। ନୂଆ ବିଶ୍ବ ରେକର୍ଡ ପାଇଁ ପ୍ରମାଣପତ୍ର ସହ ପଦକ ପ୍ରଦାନ କରିଥିଲେ।
