(କଳାହାଣ୍ଡି) : ଦିନକୁ ଦିନ ବୃଦ୍ଧି ପାଇବାରେ ଲାଗିଛି ହାତୀ ଉପଦ୍ରଵ । ଏହି କ୍ରମରେ କଳାହାଣ୍ଡି ଲାଞ୍ଜିଗଡ଼ ବ୍ଲକ ବିଶ୍ୱନାଥପୁର ଦକ୍ଷିଣ ବନାଞ୍ଚଳ ଅନ୍ତର୍ଗତ ମୂଷାନାଲ ସେକ୍ସନ କାନକୁଟରୁ ପଞ୍ଚାୟତ ତଳକାକେଶ୍ୱର ଗ୍ରାମରେ ହାତୀଙ୍କ ଉତ୍ପାତ କହିଲେ ନସରେ । ଯାହାକୁ ନେଇ ସ୍ଥାନୀୟବାସୀ ଭୟବିତ ହୋଇପଡିଛନ୍ତି ।
ସୂଚନାନୁଯାୟୀ, ବୁଧବାର ବିଳମ୍ବିତ ରାତିରେ ଆଠ ଘରିଆ ହାତୀପଲ ତଳକାଳେଶ୍ୱର ଗାଁକୁ ପଶି ପ୍ରଥମେ ରହି ମାଝୀଙ୍କ ଘର ଭାଙ୍ଗିବା ପରେ ଚୈତୁ ମାଝୀ, ପୂର୍ଣ୍ଣ ମାଝୀ, ଟୁକୁଲି ମାଝୀ ଓ ଶୁକ୍ରୁ ମାଝୀଙ୍କ ଘର ଭାଙ୍ଗିବା ସହ ଘରେ ଥିବା ଧାନ, ଚାଉଳ ଖାଇ ଆବାସପତ୍ର ନଷ୍ଟ କରିଦେଇଛନ୍ତି। ଖବରପାଇ ମୂଷାନାଳ ବନକର୍ମଚାରୀ ଗାଁରେ ପହଞ୍ଚି କ୍ଷୟକ୍ଷତିର ଆକଳନ କରିଛନ୍ତି। ଏଥିସହ ହାତୀପଲର ଗତିବିଧି ଉପରେ ନଜର ରଖାଯାଇଥିବା ଶ୍ରୀ ମାଝୀ କହିଛନ୍ତି।
