ରାୟଗଡ଼ାରେ ବନ୍ଦ ପାଳନ ବେଳେ ଦୁର୍ଘଟଣା। ଆଜି ଓଡ଼ିଶାର ରାୟଗଡ଼ା ଜିଲ୍ଲାରେ ଏକ ପୋଲିସ ବସ୍ ବ୍ରେକ୍ ଫେଲ୍ ହୋଇଗଲା। ତଥାପି, ସତର୍କ ଡ୍ରାଇଭର ଶହ ଶହ ପ୍ରଦର୍ଶନକାରୀଙ୍କ ଜୀବନ ବଞ୍ଚାଇବାରେ ସଫଳ ହୋଇଥିଲେ। ଆଜି ସକାଳେ ରାୟଗଡ଼ାର ସିରିଗୁଡ଼ା ଛକରେ ଏହି ଘଟଣା ଦେଖିବାକୁ ମିଳିଥିଲା। ଆଜି ଟ୍ରେଡ୍ ୟୁନିଅନ୍ ଦ୍ୱାରା ଡାକରା ଦିଆଯାଇଥିବା ଭାରତ ବନ୍ଦ ପାଳନ କରାଯାଉଛି। ସକାଳଠାରୁ ବିକ୍ଷୋଭକାରୀମାନେ ରାସ୍ତାକୁ ଓହ୍ଲାଇ ପିକେଟିଂ କରିଥିଲେ ଏବଂ ଓଡ଼ିଶାର ବିଭିନ୍ନ ସ୍ଥାନରେ ରାସ୍ତାରେ ଚେୟାର ରଖି ଯାତାୟାତ ଅବରୋଧ କରିଥିଲେ। ରାୟଗଡା ସହରର ସିରିଗୁଡ଼ା ଛକରେ, ପ୍ରତିବାଦ ଯୋଗୁଁ ଅନେକ ଯାନବାହନ ଅଟକି ରହିଥିଲା। ବ୍ରେକ୍ ଫେଲ ହେବାରୁ ମାଡିଗଲା ପୁଲିସ୍ ବସ୍ । ଡ଼୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁଁ ଟଳିଗଲା ବଡ଼ ଅଘଟଣ । ବ୍ରେକ୍ ଫେଲ୍ ହେଲା ପୋଲିସ ବସ, ଅଳ୍ପକେ ବର୍ତ୍ତିଲେ ଶତାଧିକ ଆନ୍ଦୋଳନକାରୀ, ପୁଲିସ୍ ଓ ସାମ୍ୱାଦିକ ।
ବିଭିନ୍ନ ଦାବି ନେଇ ଆଜି କେନ୍ଦ୍ରୀୟ ଶ୍ରମିକ ସଂଗଠନ ମିଳିତ ମଞ୍ଚ ଓ ସ୍ବାଧୀନ ଫେଡରେସନ୍ ସର୍ବଭାରତୀୟ ସ୍ତରରେ ବନ୍ଦ ଡାକରା ଦେଇଥିବାବେଳେ ରାୟଗଡା ସହରର ଶିରିଗୁଡ଼ା ଛକରେ ଅନେକ ଯାନବାହାନ ଅଟକିଥିଲା, ଶତାଧିକ ଆନ୍ଦୋଳନ ଜାରି ରହିଥିବାବେଳେ ସୁରକ୍ଷା ଦୃଷ୍ଟିରୁ ପୋଲିସ ଉପସ୍ଥିତ ଥିଲେ ଏଵଂ ସାମ୍ୱାଦିକ ମାନେ ଖବର ସଂଗ୍ରହ କରୁଥିଲେ । ଠିକ୍ ଏତିକି ବେଳେ ଅଟକି ଥିବା ପୁଲିସ୍ ବସ୍ ବ୍ରେକ୍ ଫେଲ୍ ହୋଇ ହଠାତ୍ ଗଡିଗଲା । ସମ୍ମୁଖରେ ଥିବା ଲୋକ ଚିଲେଇବା ଫଳରେ ଡ୍ରାଇଭର ତୁରନ୍ତ ସ୍ଥାନ ଛାଡ଼ିଥିଲେ । ବସ୍ ଆଗରେ ଥିବା ଲୋକମାନେ ଭୟଭୀତ ହୋଇ ସୁରକ୍ଷା ପାଇଁ ଦୌଡ଼ିଲେ। ତଥାପି ଡ୍ରାଇଭରଙ୍କ ଉପସ୍ଥିତି ଯୋଗୁଁ ଏକ ବଡ଼ ଦୁର୍ଘଟଣା ଏଡାଇ ଦିଆଗଲା।
