ପୁରୀ / ଜୟନ୍ତ କୁମାର ସେଠୀ : ଖବର ପ୍ରସାରଣ ପରେ ହଟିଲା କଟକଣା, ଭକ୍ତ ଏବେ ନେଇ ପାରିବେ ବାହାରୁ ନଡ଼ିଆ ଓ କଦଳୀ । କାକଟପୁର ମା ମଙ୍ଗଳା ମନ୍ଦିର ଭିତରକୁ ବାହାରୁ ନଡ଼ିଆ ଓ କଦଳୀ ନେଇ ପୂଜା କରିବା ପାଇଁ ମନ୍ଦିର ପ୍ରଶାସନ ପକ୍ଷରୁ ଅଘୋଷିତ ନିର୍ଦ୍ଦେଶ ନାମା ଜାରି କରାଯାଇଥିଲା। ଯାହା ଫଳରେ ଭକ୍ତଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା ।
ଏଥିପାଇଁ ଜିଲ୍ଲା ପ୍ରଶାସନ ଓ ରାଜ୍ୟ ସରକାର ହସ୍ତକ୍ଷେପ କରିବା ପାଇଁ ଦାବୀ କରିଥିଲେ । ଦାବୀ ପରେ ଆଜି ଠାରୁ ପୁଣି ଥରେ ଭକ୍ତ ମନ୍ଦିର ବାହାରୁ ନଡ଼ିଆ ଓ କଦଳୀ ନେଇ ଭୋଗ କରି ପାରିବେ ବୋଲି ମନ୍ଦିର ପ୍ରଶାସନ ପକ୍ଷରୁ ଅନୁମତି ପ୍ରଦାନ କରାଯାଇଛି । ଯାହାକୁ ନେଇ ସନ୍ତୋଷ ପ୍ରକାଶ କରିଛନ୍ତି ମନ୍ଦିର ସେବାୟତ ଓ ଭକ୍ତ।
