ଶିକାର କରୁ କରୁ ଫୁଟିଲା ଗୁଳି, ଶିକାରୀ ଗୁରୁତର

ଭଞ୍ଜନଗର: ଗଞ୍ଜାମ ଜିଲ୍ଳା ଭଞ୍ଜନଗର ଥାନା ଅଞ୍ଚଳରେ ଘଟିଯାଇଛି ଏକ ଅଭାବନୀୟ ଘଟଣା । ବାରହା ଶିକାର କରିବାକୁ ଯାଇ ଫସିଗଲେ ଶିକାରୀ । ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ।
ଭଞ୍ଜନଗର ଥାନା ଅନ୍ତର୍ଗତ କୁଟୁଣୀ କୁମ୍ପା ଗାଁରେ ବାରହା ଶିକାର କରିବାକୁ ଯାଇ ଗୁରୁତର ଆହତ ହୋଇଛନ୍ତି ଜଣେ ଯୁବକ । ତେବେ ଏହି ଆଘାତ ବାରହାର ଆକ୍ରମଣରେ ନୁହେଁ, ବରଂ ତାଙ୍କ ସହଯୋଗୀଙ୍କ ଦ୍ୱାରା ହୋଇଛି । ସହଯୋଗୀଙ୍କ ବନ୍ଧୁକରୁ ଗୁଳି ଫୁଟି ବାରହା ଶିକାର କରିବାକୁ ଯାଇଥିବା ଶିବରାମ ନାୟକ ଗୁରୁତର ଆହତ ହୋଇଛନ୍ତି । ଗୁରୁତର ଅବସ୍ଥାରେତାଙ୍କୁ ପ୍ରଥମେ ଭଞ୍ଜନଗର ମେଡିକାଳରେ ଭର୍ତ୍ତି କରାଯାଇଥିଲା । ସେଠାରେ ପ୍ରାଥମିକ ଚିକିତ୍ସା କରାଯାଇ ଶିବରାମଙ୍କୁ ବ୍ରହ୍ମପୁର ବଡ ମେଡିକାଳକୁ ସ୍ତାନାନ୍ତର କରାଯାଇଛି ।