(ମହାଭାରତ/କୁଜଙ୍ଗ): ବୁଧବାର ପାରାଦ୍ୱୀପ ନିକଟସ୍ଥ କପିଳ ଜୋରରେ ହଜାର ହଜାର ସଂଖ୍ୟାରେ ମାଛ ମରି ଭାସୁଥିବାର ଦେଖିବାକୁ ମିଳିଛି। ସେଥିରେ ଚାଇନା ପ୍ରଜାତିର କଉ ମାଛ ବହୁ ସଂଖ୍ୟାରେ ଭାସୁଥିବା ଦେଖାଯାଇଛି । ଜୋରରୁ ମାଛ ଧରି ସ୍ଥାନୀୟ କେଉଟମାନେ ନିଜ ପେଟ ପୋଷୁୁଥିବା ବେଳେ ଅଚାନକ ଏତେ ସଂଖ୍ୟକ ମାଛ ମରି ଭାସିବା ଘଟଣା ଏଠାରେ ଚାଞ୍ଚଲ୍ୟ ସୃଷ୍ଟି କରିଛି । ହୁଏତ କେହି ବିଷାକ୍ତ କେମିକାଲ ପକାଇବା ଫଳରେ ଏତେ ସଂଖ୍ୟକ ମାଛ ମରିଥିବା ଅନୁମାନ କରାଯାଉଛି । ଏହି ଘଟଣା ସମ୍ପର୍କରେ ଖବର ପାଇ ପାରାଦ୍ୱୀପ ପ୍ରଦୂଷଣ କାର୍ଯ୍ୟାଳୟ ଉକ୍ତ ଜୋରର ପାଣିକୁ ପରୀକ୍ଷା ପାଇଁ ନେଇଛି । ତେବେ ଜୋର ନିକଟବର୍ତ୍ତୀ କମ୍ପାନୀ ମାନଙ୍କରୁ ବାହାରୁଥିବା ରାସାୟନିକ ପଦାର୍ଥ ପାଣିରେ ମିଶିବା ଫଳରେ ବା ଜୋରର ଉପଯୁକ୍ତ ରକ୍ଷଣାବେକ୍ଷଣ ଅଭାବରୁ ଏହି ମାଛ ମଡକ ଦେଖା ଦେଇଥାଇପାରେ ବୋଲି ପରିବେଶବିତ ଅୟସକାନ୍ତ ରାୟ ମତ ପ୍ରକାଶ କରିଛନ୍ତି ।
ଜୋରରେ ମରି ଭାସିଲେ ଚାଇନା ପ୍ରଜାତିର ମାଛ
