(ମଣିପୁର) : ମଣିପୁରରେ ଘଟିଥିବା ହିଂସାର ତଦନ୍ତ କରିବା ପାଇଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏକ ବଡ଼ ଘୋଷଣା କରିଛନ୍ତି । ସିବିଆଇର ଏକ ସ୍ୱତନ୍ତ୍ର ଦଳ ଦ୍ୱାରା ଏହି ହିଂସା ଘଟଣାର ତଦନ୍ତ କରାଯିବ ବୋଲି ସୂଚନା ମିଳିଛି । ଏ ନେଇ ଏକ କମିଶନ ଗଠନ କରାଯିବ । ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତି ଏହାର ତଦାରଖ କରିବେ ।
ଆହୁରି ଶାହା କହିଛନ୍ତି ଯେ ମଣିପୁର ହିଂସା ଘଟଣାର ତଦନ୍ତ ପାଇଁ କେନ୍ଦ୍ର ସରକାର ଅବସରପ୍ରାପ୍ତ ହାଇକୋର୍ଟର ବିଚାରପତିଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରିଛନ୍ତି । ମଣିପୁରର ରାଜ୍ୟପାଳ ନାଗରିକ ସମାଜର ସଦସ୍ୟମାନଙ୍କ ସହିତ ଏକ ଶାନ୍ତି କମିଟିର ନେତୃତ୍ୱ ନେବେ । ହିଂସା ଘଟଣାର ତଦନ୍ତ ପାଇଁ ମଣିପୁରରେ ଅନେକ ଏଜେନ୍ସି କାର୍ଯ୍ୟ କରୁଛନ୍ତି । ଷଡଯନ୍ତ୍ରକୁ ଦର୍ଶାଇ 6 ଟି ହିଂସା ଘଟଣାର ଉଚ୍ଚ ସ୍ତରୀୟ ସିବିଆଇ ଦ୍ୱାରା କରାଯିବ ଏବଂ ଆମେ ନିଶ୍ଚିତ କରିବୁ ଯେ ତଦନ୍ତ ନ୍ୟାୟପୂର୍ଣ୍ଣ ହେବ ।
