ପଟ୍ଟାମୁଣ୍ଡାଇ: ଗତକାଲି ରାତିରେ କୁମ୍ଭୀର ଟାଣି ନେଇଥିବା ମହିଳାଙ୍କ ମୃତଦେହ ଉଦ୍ଧାର ହୋଇଛି । ପେଣ୍ଠପାଳ ନିକଟ ବ୍ରାହ୍ମଣୀ ନଦୀରୁ କ୍ଷତବିକ୍ଷତ ମୃତଦେହ ଉଦ୍ଧାର କରାଯାଇଛି । କେନ୍ଦ୍ରାପଡ଼ା ଜିଲ୍ଲାର ଅଳପୁଆ ଗାଁରେ ଏଭଳି ଏକ ଦୁଃଖଦ ଘଟଣା ଘଟିଥିଲା । ଗତକାଲି ରାତିରେ ବାସନ ମାଜିବା ବେଳେ ବ୍ରାହ୍ମଣୀ ନଦୀରେ ମହିଳାଙ୍କୁ ଟାଣି ନେଇଥିଲା କୁମ୍ଭୀର । ନଦୀ ତୁଠରେ ମହିଳାଙ୍କ ଚପଲ ସହ ବାସନ, ବାଲ୍ଟି ପଡ଼ିଥିବାର ଦେଖିବାକୁ ମିଳିଥିଲା । ଏପଟେ ଟର୍ଚ୍ଚ ଓ ଠେଙ୍ଗା ଧରି ମହିଳାଙ୍କୁ ଖୋଜାଖୋଜି କରିଥିଲେ ଗ୍ରାମବାସୀ । ହେଲେ ମହିଳାଙ୍କ କୌଣସି ପତ୍ତା ମିଳିନଥିଲା । ଆଜି ଭୋରୁ ତାଙ୍କ କ୍ଷତବିକ୍ଷତ ମୃତ ଦେହ ଉଦ୍ଧାର କରାଯାଇଛି ।
