(ଦିଲ୍ଲୀ) : ଭାରତୀୟ ରିଜର୍ଭ ବ୍ୟାଙ୍କ(ଆର୍ବିଆଇ)ର ୯୦ତମ ବାର୍ଷିକ ଉତ୍ସବ ପାଳନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଏକ ସ୍ୱତନ୍ତ୍ର କଏନ୍ ବା ମୁଦ୍ରା ଜାରି କରିଛନ୍ତି । ରିଜର୍ଭ ବ୍ୟାଙ୍କର ୯୦ବର୍ଷ ପୂରଣ ହେବା ପରେ ପ୍ରଧାନମନ୍ତ୍ରୀ ମୋଦୀ ୯୦ ଟଙ୍କା ମୂଲ୍ୟର ଏକ ସ୍ମରଣୀୟ ମୁଦ୍ରା ପ୍ରକାଶ କରିଛନ୍ତି।
ସୂଚନାନୁଯାୟୀ , ଦେଶରେ ପ୍ରଥମ ଥର ପାଇଁ ୯୦ ଟଙ୍କା ମୁଦ୍ରା ଜାରି କରାଯାଇଛି। ଏହି ମୁଦ୍ରାର ବିଶେଷତ୍ୱ ହେଉଛି ଏହା ଶୁଦ୍ଧ ରୂପାରେ ନିର୍ମିତ । ଏହା ବ୍ୟତୀତ ଏଥିରେ ୪୦ ଗ୍ରାମ ରୂପା ବ୍ୟବହାର କରାଯାଇଛି । ୯୦ ଟଙ୍କା ରୂପା ମୁଦ୍ରାର ଗୋଟିଏ ପଟେ ବ୍ୟାଙ୍କର ଲୋଗୋ ଏବଂ ଅନ୍ୟ ପଟେ ୯୦ ଟଙ୍କା ଲେଖାଯାଇଛି। ଆହୁରି ମଧ୍ୟ ଭାରତ ଏହାର ଡାହାଣ ପାର୍ଶ୍ୱରେ ହିନ୍ଦୀରେ ଏବଂ ବାମ ପାର୍ଶ୍ୱରେ ଇଂରାଜୀରେ ଲେଖାଯିବ। ଏହାର ଗୋଟିଏ ପାର୍ଶ୍ୱରେ ଆରବିଆଇ ଲୋଗୋ ଏବଂ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଉପର ପେରିମିଟରରେ ହିନ୍ଦୀରେ ଏବଂ ନିମ୍ନ ପେରିମିଟରରେ ଇଂରାଜୀରେ ଲେଖା ଯାଇଛି ।
