(ବିହାର) : ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କୁ ଗ୍ୱାଲିଅରର ଏମପି-ଏମଏଲଏ କୋର୍ଟରୁ ଏକ ବଡ଼ ଝଟକା ଲାଗିଛି । ଲାଲୁ ଯାଦବଙ୍କ ପାଇଁ ଗ୍ୱାଲିଅରଙ୍କ ଏମପି-ଏମଏଲଏ କୋର୍ଟ ଗିରଫ ୱାରେଣ୍ଟ ଜାରି କରିଛନ୍ତି । ଆର୍ମସ୍ ଆକ୍ଟ ମାମଲାରେ ଏହି ୱାରେଣ୍ଟ ଜାରି କରାଯାଇଛି ।
ସୂଚନାନୁଯାୟୀ , ଏହି ମାମଲାରେ ଲାଲୁ ଯାଦବଙ୍କୁ ପୂର୍ବରୁ ଫେରାର ଘୋଷଣା କରାଯାଇଥିଲା । ଲାଲୁ ନକଲି କାଗଜପତ୍ର ରଖି ଜଣେ ଅସ୍ତ୍ରଶସ୍ତ୍ର ବ୍ୟବସାୟୀଙ୍କଠାରୁ ଅସ୍ତ୍ରଶସ୍ତ୍ର କିଣିଥିବା ପୁଲିସ ତଦନ୍ତରୁ ଜଣାପଡ଼ିଥିଲା । ଏହା ସହ କିଣା ଯାଇଥିବା ଅସ୍ତ୍ରଶସ୍ତ୍ର ଅନେକ ସ୍ଥାନକୁ ଯୋଗାଣ କରାଯାଉଥିବା ମଧ୍ୟ ପୁଲିସ ଜାଣିବାକୁ ପାଇଥିଲା । ଦସ୍ତାବିଜରେ ଉଲ୍ଲେଖ କରାଯାଇଥିବା ଲାଲୁ ଯାଦବ ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ପୂର୍ବତନ କେନ୍ଦ୍ରମନ୍ତ୍ରୀ ବୋଲି ଅଦାଲତ ନିଶ୍ଚିତ ହେବା ପରେ ତାଙ୍କ ବିରୋଧରେ ଥିବା ମାମଲାକୁ ଏମପି-ଏମଏଲଏ କୋର୍ଟକୁ ସ୍ଥାନାନ୍ତର କରାଯାଇଥିଲା ।
