(ମାଲକାନଗିରି) : ଦିନକୁ ଦିନ ବୃଦ୍ଧି ପାଇବାରେ ଲାଗିଛି ମାଓହିଂସା । ଆଜିଠାରୁ ଅଗଷ୍ଟ ୩ ତାରିଖ ପର୍ଯ୍ୟନ୍ତ ମାଓ ସଂଗଠନ ପାଳନ କରୁଛି ସହିଦ ସପ୍ତାହ। ଏଥିପାଇଁ ଜିଲ୍ଲା ପୁଲିସ ପକ୍ଷରୁ ବ୍ୟାପକ ପ୍ରସ୍ତୁତି ଗ୍ରହଣ କରାଯାଇଛି। ସହିଦ ସପ୍ତାହ ପାଳନ ଲାଗି ମାଲକାନଗିରି ଜିଲ୍ଲାରେ ସରକାରୀ ବସ ଚଳାଚଳ ସ୍ବାଭାବିକ ରହିଥିବା ବେଳେ ମହୁପଦର ଚିତ୍ରକୋଣ୍ଡା ଓ ଛତିଶଗଡ଼ ଯାଉଥିବା ବେସରକାରୀ ବସ ଚଳାଚଳ ବନ୍ଦ ରହିଥିବା ସୂଚନା ରହିଛି।
ସୂଚନାନୁଯାୟୀ , ବିଶେଷ କରି ଜିଲ୍ଲାର ନିୟମଗିରି, ମୁନିଗୁଡା ଓ ଚନ୍ଦ୍ରପୁର ବ୍ଲକରେ ମାଓବାଦୀମାନେ ନିଜର ସ୍ତିତି ଜାହିର କରିଛନ୍ତି । ଏଥି ପାଇଁ ପୋଲିସ ସଜାଗ ରହିଥିବା କୁହାଯାଇଛି । କାରଣ ଏହି ସପ୍ତାହରେ କୌଣସି ନା କୌଣସି ସ୍ଥାନରେ ନକ୍ସଲମାନେ ରକ୍ତମୁଖା ହୋଇ ହିଂସାକାଣ୍ଡ କରିଥାନ୍ତି। ତେବେ ଏଥିପ୍ରତି ପୁଲିସ ନଜର ରଖିବା ସହ ସମସ୍ତ ଥାନାକୁ ହାଇଆଲର୍ଟ ଜାରି କରିଛି ।
