ନୂଆଦିଲ୍ଲୀ: ନବ ନିର୍ବାଚିତ ଉପରାଷ୍ଟ୍ରପତି ଜଗଦୀନ ଧନଖଡଙ୍କୁ ବିଜେଡି ସଂସଦୀୟ ଦଳ ପକ୍ଷରୁ ସୌଜନ୍ୟମୂଳକ ସାକ୍ଷାତ କରାଯାଇଛି। ପୁରୀ ଲୋକସଭା ସାଂସଦ ତଥା ବିଜେଡି ସଂସଦୀୟ ଦଳର ନେତା ପିନାକୀ ମିଶ୍ର ଓ ବିଜେଡିର ରାଜ୍ୟସଭା ସାଂସଦ ତଥା ଜାତୀୟ ମୁଖପାତ୍ର ସସ୍ମିତ ପାତ୍ର ଶ୍ରୀ ଧନଖଡଙ୍କୁ ଭେଟିଛନ୍ତି। ଶ୍ରୀ ଧନଖଡଙ୍କୁ ଭେଟିବା ପରେ ତାଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଥିଲେ। ଏହାପରେ ପୁଷ୍ପଗୁଚ୍ଛ, ଉତ୍ତରୀୟ ଏବଂ ଜଗନ୍ନାଥଙ୍କ ଫଟୋ ଚିତ୍ର ଦେଇ ସମ୍ବର୍ଦ୍ଧିତ କରିଥିଲେ। ଉପରାଷ୍ଟ୍ରପତି ଶ୍ରୀ ଧନଙ୍କରଙ୍କୁ ଭେଟିବା ପରେ ଶ୍ରୀ ପାତ୍ର କହିଛନ୍ତି ଯେ, ସାର ଆପଣଙ୍କୁ ଭେଟିବା ଆମ ପାଇଁ ଏକ ସୌଭାଗ୍ୟ ଓ ଗର୍ବର ବିଷୟ। ଆମେ ରାଜ୍ୟସଭାରେ ମାନ୍ୟବର ଅଧ୍ୟକ୍ଷ ଭାବରେ ଆପଣଙ୍କ ଗୃହ ପରିଚାଳନା ଓ ନେତୃତ୍ୱକୁ ଅପେକ୍ଷା କରିଛୁ। ବିଜେଡି ସଂସଦୀୟ ଦଳ ପକ୍ଷରୁ ଆମକୁ ସାକ୍ଷାତ କରିବାର ସୁଯୋଗ ଦେଇଥିବାରୁ ଆମେ ଆପଣଙ୍କ ଠାରେ କୃତଜ୍ଞ ବୋଲି ନିଜ ଟ୍ୱିଟର ମାଧ୍ୟରେ ଶ୍ରୀ ପାତ୍ର କହିଛନ୍ତି।
ଉପରାଷ୍ଟ୍ରପତିଙ୍କୁ ଭେଟିଲେ ସସ୍ମିତ ଓ ପିନାକୀ
