(ମୁମ୍ବାଇ) : ଉଦ୍ୟୋଗୀ ମାନଙ୍କ ଖୁସି ଖବର | ଶାର୍କ ଟ୍ୟାଙ୍କ ଇଣ୍ଡିଆ- ସିଜିନ୍ ୩ର ପ୍ରୋମୋ ରିଲିଜ୍ ହୋଇଛି | ଦୁଇଟି ସିଜିନର ସଫଳତା ପରେ, ‘ଶାର୍କ ଟ୍ୟାଙ୍କ ଇଣ୍ଡିଆ’ ସିଜିନ-୩ ଆସିବାକୁ ଯାଉଛି | ଆଉ ସମଗ୍ର ଦେଶରେ ଯୁବ ଉଦ୍ୟୋଗୀମାନେ ବର୍ତ୍ତମାନ ଏହି ଟିଭି ସୋରେ ଅଂଶଗ୍ରହଣ କରି ସେମାନଙ୍କର କମ୍ପାନୀ ପାଇଁ ପୁଞ୍ଜି ଯୋଗାଡ କରିପାରିବେ |
ସୂଚନାନୁଯାୟୀ , ଏହି ପ୍ରୋମୋରେ ଯଦି କେହି ନିଜ କମ୍ପାନୀକୁ ଆଗକୁ ବଢାଇବାକୁ ଚାଁହୁଛନ୍ତି ଓ ପାଣ୍ଠି ଆବଶ୍ୟକ କରୁଛନ୍ତି ସେମାନେ ଏହି ସୋରେ ଭାଗ ନେବାକୁ କୁହାଯାଇଛି | ଉଲ୍ଲେଖ ଥାଉ କି ଶାର୍କ ଟ୍ୟାଙ୍କ ଇଣ୍ଡିଆ- ସିଜିନ୍ ୩ ପାଇଁ ଏବେ ରେଜିଷ୍ଟ୍ରେସନ ଆରମ୍ଭ ହୋଇଥିବାବେଳେ ସୋନି ଲିଭ ଆପରେ ହିଁ ରେଜିଷ୍ଟ୍ରେସନ କରିହେବ | ଶାର୍କ ଟ୍ୟାଙ୍କ ଇଣ୍ଡିଆ ସିଜିନ ୨ ବାବଦରେ କହିବାକୁ ଗଲେ ଏହି ସିଜିନରେ ୧୦୩ଟି କମ୍ପାନୀରେ ୮୦ କୋଟି ଟଙ୍କା ନିବେଶ ହୋଇଥିଲା |
