(ଭୁବନେଶ୍ୱର): ସାବାଡ଼ ହେବେ ବିକଟାଳ ଶବ୍ଦ କରୁଥିବା ଗାଡି ଚଢ଼ୁଥିବା ଚାଳକ । ଢୋ ଢୋ କରି ବୁଲେଟ ରୁ ଫାୟାରିଂ କରୁଛନ୍ତି କି ? ତେବେ ସାବଧାନ । ରାସ୍ତା ଉପରେ ମାଡ଼ି ବସିବ ପୋଲିସ୍ । ଏ ନେଇ ଜୋରଦାର ହୋଇଛି ଚେକିଂ । ଟ୍ରାଫିକ ଏସିପି ଭାବେ ଜୟନ୍ତ ଦୋରା କାର୍ଯ୍ୟରେ ଯୋଗଦେବା ପରେ ଟ୍ରାଫିକ ନିୟମ ଖିଲାପିଙ୍କ ବିରୋଧରେ ଜିରୋ ଟଲରାନ୍ସ ନୀତି ଗ୍ରହଣ କରିବା ସହ ୬୦ ରୁ ଉର୍ଦ୍ଧ୍ୱ ବାଇକ ଜବତ କରିଛନ୍ତି ।
ସୂଚନାନୁଯାୟୀ, ମୋଟର ସାଇକେଲରେ ଯଦି ବିକଟାଳ ଶବ୍ଦ କରୁଥିବା ସାଇଲେନ୍ସର ଲାଗିଛି ତେବେ ପୋଲିସ୍ ଗାଡ଼ି ଜବତ କରିନେବ । କୋର୍ଟକୁ ଯାଇ ଜରିମାନା ତ ଗଣିବେ ତା ସହ ଆପଣଙ୍କ ବୁଲେଟରୁ ସାଇଲେନ୍ସର ମଧ୍ୟ କାଢ଼ି ନେବେ । ଟ୍ରାଫିକ ପୋଲିସ ଆଗରେ ନିଜ ଗାଡିରେ ନୂଆ ଓ ଠିକ ମାନ ଥିବା ସାଇଲେଇନ୍ସର ଲଗାଇବା ପରେ କୋର୍ଟ ପିଆର ବଣ୍ଡରେ ଗାଡିକୁ ଛାଡିବ ।
