(ନୂଆଦିଲ୍ଲୀ) ; ଭାଷଣ ଦେବା ସମୟରେ ଭାଙ୍ଗିଗଲା ମଞ୍ଚ , ତଳେ ପଡିଗଲେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ । ୯ ବର୍ଷର ନାବାଳିକାଙ୍କ ସହ ଗଣଦୁଷ୍କର୍ମ ଏବଂ ହତ୍ୟା ମାମଲା ସାମ୍ନାକୁ ଆସିବା ପରେ ପୀଡିତାଙ୍କ ପରିବାରକୁ ଭେଟିବା ପାଇଁ ଯାଇଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ମୁଖ୍ୟମନ୍ତ୍ରୀ ୧୦ ଲକ୍ଷ ଟଙ୍କାର କ୍ଷତିପୂରଣ ଦେବାକୁ ଘୋଷଣା ମଧ୍ୟ କରିଥିଲେ । କିନ୍ତୁ ଏହି ସମୟରେ କେଜ୍ରିଓ୍ବାଲଙ୍କ ସହ ଏକ ଦୁର୍ଘଟଣା ଘଟିଛି ।ଲୋକଙ୍କୁ ସମ୍ବୋଧନ କରିବାକୁ ମଞ୍ଚରେ ଚଢ଼ିଥିଲେ କେଜ୍ରିଓ୍ବାଲ। ତାଙ୍କ ପଛେ ପଛେ ଅନ୍ୟ ନେତା-କର୍ମୀ ମଧ୍ୟ ମଞ୍ଚକୁ ଚଢ଼ିଥିଲେ। ଏହା ପରେ ମଞ୍ଚ ଭାଙ୍ଗିପଡ଼ିଥିଲା ଆଉ ଏକେ ସିଧା ତଳେ ପଡ଼ିଯାଇଥିଲେ । ତାଙ୍କ ସହ ଅନ୍ୟମାନେ ମଧ୍ୟ ମଞ୍ଚରୁ ଗଳିପଡ଼ିଥିଲେ। ଏହା ପରେ ମୁଖ୍ୟମନ୍ତ୍ରୀଙ୍କୁ ଭିଡ଼ ଭିତରୁ ବାହାରକୁ ଅଣାଯାଇଥିଲା। ପରେ ସେ ପୀଡ଼ିତାଙ୍କ ପରିବାରଙ୍କୁ ମଧ୍ୟ ଭେଟିଥିଲେ।
