ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ଏବେ ୫ମ ସପ୍ତାହରେ ପହଞ୍ଚିଛି । ଯେଉଁଥିପାଇଁ ବିଭିନ୍ନ ରାଜ୍ୟରେ ଶକ୍ତି ଯୋଗାଣକୁ ନେଇ ଚିନ୍ତା ଆହୁରି ଘନୀଭୂତ ହେଉଛି । ପ୍ରତ୍ୟେକ ଦିନି ଗ୍ୟାସ୍ ପେଟ୍ରୋଲ ଅଭାବର ଭିନ୍ନ ଭିନ୍ନ ଚିତ୍ର ସାମ୍ନାକୁ ଆସୁଛି । ଏହାରି ମଧ୍ୟରେ ଗତକାଲି କେନ୍ଦ୍ର ସରକାର ବଡ ନିଷ୍ପତ୍ତି ନେଇଛନ୍ତି । ସରକାରଙ୍କ ଏହି ନିଷ୍ପତ୍ତି ଅନୁଯାୟୀ ପୁଣି ଥରେ ରାଶନ କେନ୍ଦ୍ରରେ ମିଳିବ କିରୋସିନି । ଖାସକରି ଦିଲ୍ଲୀ, ଉତ୍ତର ପ୍ରଦେଶ, ମଧ୍ୟପ୍ରଦେଶ ଏବଂ ଗୁଜରାଟ ସମେତ ୨୧ ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ରାଶନ ଦୋକାନ ଏବଂ କିଛି ପେଟ୍ରୋଲ ପମ୍ପରେ କିରୋସିନ ପୁଣି ଉପଲବ୍ଧ ହେବାନେଇ ନିଷ୍ପତ୍ତି ହୋଇଛି ।
ତେବେ ବିଶ୍ୱ ସ୍ତରରେ ଶକ୍ତି ଏବଂ ଏଲପିଜି ଯୋଗାଣରେ ବାଧା ସୃଷ୍ଟି ହୋଇଥିବାରୁ ଏହି ନିଷ୍ପତ୍ତି ନିଆଯାଇଛି। ହରିୟାଣା, ପଞ୍ଜାବ, ରାଜସ୍ଥାନ, ଉତ୍ତର ପ୍ରଦେଶ, ମଧ୍ୟପ୍ରଦେଶ, ଉତ୍ତରାଖଣ୍ଡ, ହିମାଚଳ ପ୍ରଦେଶ, ତେଲଙ୍ଗାନା, ଆନ୍ଧ୍ରପ୍ରଦେଶ, ଗୋଆ, ଗୁଜରାଟ, ସିକିମ ଏବଂ ନାଗାଲାଣ୍ଡ। ଏହା ବ୍ୟତୀତ, କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ଦିଲ୍ଲୀ, ଚଣ୍ଡିଗଡ଼, ଜମ୍ମୁ ଏବଂ କାଶ୍ମୀର, ଲଦାଖ, ପୁଡୁଚେରୀ, ଲକ୍ଷଦ୍ୱୀପ, ଦାଦ୍ରା ଏବଂ ନଗର ହାବେଳୀ, ଦାମନ ଏବଂ ଦିଉ ଏବଂ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ ଅନ୍ତର୍ଭୁକ୍ତ ରହିଛି । ସରକାର ଏହି ଯୋଜନା ୬୦ ଦିନ ପାଇଁ ଆରମ୍ଭ କରିଛନ୍ତି, ଯାହା ମାର୍ଚ୍ଚ ୨୯ ତାରିଖରୁ ଆରମ୍ଭ ହୋଇ ପରବର୍ତ୍ତୀ ସୂଚନା ପର୍ୟ୍ୟନ୍ତ ବୈଧ। ଏହି ଯୋଜନା ଅନୁଯାୟୀ, ରାଶନ ଦୋକାନଗୁଡ଼ିକ ଗ୍ରାହକମାନଙ୍କୁ ସୁଲଭ ହାରରେ କିରୋସିନ ଯୋଗାଇବେ। ଏହା ସହିତ, ପ୍ରତ୍ୟେକ ଜିଲାରେ ସର୍ବାଧିକ ଦୁଇଟି ପେଟ୍ରୋଲ ପମ୍ପ ନିଯୁକ୍ତ କରାଯିବ, ଯାହାକୁ କିରୋସିନ ବିକ୍ରୟ କରିବାକୁ ଅନୁମତି ଦିଆଯିବ। ଏହି ପେଟ୍ରୋଲ ପମ୍ପଗୁଡ଼ିକୁ ସର୍ବାଧିକ ୫,୦୦୦ ଲିଟର କିରୋସିନ ମହଜୁଦ ରଖିବାକୁ ଅନୁମତି ଦିଆଯିବ।ନେଇ ନିଷ୍ପତ୍ତି ହୋଇଛି ।
