କଟକ: ମହାନଦୀର ଅକାତ ପାଣିକୁ ଡେଇଁଲେ ଯୁବକ । ମୁଣ୍ଡଳୀ ବ୍ୟାରେଜ ଉପରେ ସ୍କୁଟି ରଖି ପାଣିକୁ ଡେଇଁ ପଡିଲେ ଯୁବକ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ନିଖୋଜ ଯୁବକ ଭୁବନେଶ୍ୱର ଶୈଳଶ୍ରୀବିହାରର ବିଶ୍ୱଦେବ ଦାସ ବୋଲି ଜଣାପଡିଛି ।
ପାଣିକୁ ଡେଇଁବା କାରଣ ଅସ୍ପଷ୍ଟ । ଅନ୍ୟପଟେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଖୋଜାଖୋଜି ଆରମ୍ଭ କରିଛନ୍ତି । ରାଜଧାନୀରୁ ଯୁବକ ଜଣକ ମୁଣ୍ଡଳୀ ଆସି କାହିଁକି ଆତ୍ମହତ୍ୟା କଲେ ତାହାର କାରଣ ବି ଜଣାପଡିନାହିଁ । ତେବେ ପୋଲିସ ତଦନ୍ତ ଆରମ୍ଭ କରିଛି ।
