ଭୁବନେଶ୍ୱର: ମାଇକ୍ରୋ ବ୍ଲଗିଂ ପ୍ଲାଟଫର୍ମ ଚଳାଇବା ପାଇଁ ସର୍ବନିମ୍ନ ବୟସ ମାନଦଣ୍ଡ ପୂରଣ ନକରିବାରୁ ଭାରତର ଅନ୍ୟତମ ବୃହତ୍ତମ ସମ୍ବାଦ ଏଜେନ୍ସି ଏସୀୟ ନ୍ୟୁଜ୍ ଇଣ୍ଟରନ୍ୟାସନାଲ ଅର୍ଥାତ ଏଏନଆଇର ଟ୍ୱିଟର ଆକାଉଣ୍ଟକୁ ବ୍ଲକ କରି ଦେଇଛି ଟ୍ୱିଟର । ପୂର୍ବରୁ ଏଏନଆଇର ଟ୍ୱିଟର ଆକାଉଣ୍ଟର ବ୍ଲୁ ଟିକକୁ ଗାୟବ କରିଦେଇଥିଲା । ଏନେଇ ଶନିବାର ସୂଚନା ଦେଇଛନ୍ତି ANI ସମ୍ପାଦକ ସ୍ମିତା ପ୍ରକାଶ । ଚଳାଇବା ପାଇଁ ସର୍ବନିମ୍ନ ବୟସ ମାନଦଣ୍ଡ ପୂରଣ ନକରିବାରୁ ଅର୍ଥାତ ଆକାଉଣ୍ଟ ୧୩ ବର୍ଷରୁ କମ୍ ଥିବାରୁ ଟ୍ୱିଟର ନିୟମ ଉଲ୍ଲଂଘନ କରି ଭାରତର ଏହି ନ୍ୟୁଜ ଏଜେନ୍ସିର ହ୍ୟାଣ୍ଡେଲକୁ ସ୍ଥଗିତ ରଖିଛି ଟ୍ୱିଟର । ନ୍ୟୁଜ୍ ଏଜେନ୍ସିର ହ୍ୟାଣ୍ଡେଲରେ ପାଖାପାଖି ୭.୬ ନିୟୁତ ଅନୁସରଣକାରୀ ଅଛନ୍ତି ଏବଂ ଏହା ପୂର୍ବରୁ ସୋସିଆଲ ମିଡିଆ ପ୍ଲାଟଫର୍ମରେ ଏକ ସରକାରୀ ସଂଗଠନ ଭାବରେ ସ୍ୱୀକୃତ ଗୋଲ୍ଡ ଟିକ୍ ନେଇ ମାନ୍ୟତା ପାଇଥିଲେ । ଟ୍ୱିଟର ଦ୍ୱାରା ଏହି ପଦକ୍ଷେପ ANI ଏବଂ ଏହାର ଅନୁଗାମୀମାନଙ୍କ ପାଇଁ ନିରାଶା ଏବଂ ଦ୍ୱନ୍ଦ୍ୱ ସୃଷ୍ଟି କରିଛି । ସ୍ମିତା ପ୍ରକାଶ ଏକ ଟ୍ୱିଟରେ ନିଜର ନିରାଶା ପ୍ରକାଶ କରି କହିଛନ୍ତି ଯେ ଟ୍ୱିଟର ଭାରତର ସବୁଠୁ ବଡ ନ୍ୟୁଜ୍ ଏଜେନ୍ସିକୁ ତାଲା ପକାଇ ଦେଇଛି। ସେ ଆହୁରି ମଧ୍ୟ କହିଛନ୍ତି ଯେ, ସେମାନଙ୍କର ଗୋଲ୍ଡ ଟିକକୁ ପରିବର୍ତ୍ତନ କରି ବ୍ଲୁ ଟିକ ଦିଆଯାଇଥିଲା ଏବଂ ବର୍ତ୍ତମାନ ଏହାକୁ ବ୍ଲକ କରିଦିଆଯାଇଛି । ANI ନିଶ୍ଚିତ କରିଛି ଯେ ଏହାର ଅନ୍ୟ ଟୁଇଟର ହ୍ୟାଣ୍ଡେଲ, @ani_digital, ତଥାପି ସକ୍ରିୟ ଅଛି, ଏବଂ ମୁଖ୍ୟ ANI ହ୍ୟାଣ୍ଡେଲ ପୁନଃ ସ୍ଥାପିତ ନହେବା ପର୍ୟ୍ୟନ୍ତ ଏଜେନ୍ସି ଏହାର ଅନ୍ୟ ଯାଞ୍ଚ ହୋଇଥିବା ହ୍ୟାଣ୍ଡେଲରୁ ସମସ୍ତ ଖବର ଟୁଇଟ୍ କରିବ । ନିଲମ୍ବନ କେତେ ଦିନ ରହିବ ଏବଂ ଇଘଓ କେଉଁ ନିର୍ଦ୍ଦିଷ୍ଟ ନିୟମ ଉଲ୍ଲଂଘନ କରିଛି ତାହା ଏପର୍ୟ୍ୟନ୍ତ ସ୍ପଷ୍ଟ ହୋଇନାହିଁ।
ଭାରତର ବୃହତ୍ତମ ସମ୍ବାଦ ଏଜେନ୍ସି ଏଏନଆର ଟ୍ୱିଟର ଆକାଉଣ୍ଟ ଲକ୍ କଲା ଟ୍ୱିଟର
