(ଭୁବନେଶ୍ୱର) : ଗରମ ଓ ଗୁଳୁଗୁଳିରେ ହନ୍ତସନ୍ତ ହେଲେଣି ରାଜ୍ୟବାସୀ । ମୌସୁମୀ ଆସିବାକୁ ବିଳମ୍ବ ଥିବାରୁ ରଜ ଯାଏ ଏମିତି ସ୍ଥିତି ଜାରି ରହିବ। ବିଳମ୍ବରେ ମୌସୁମୀ ଆସିଲେ ବି ଭଲ ବର୍ଷା ଯେ ହେବ, ସେମିତି କିଛି ପୂର୍ବ ଆକଳନ ବି ନାହିଁ। ଜୁନ୍ରେ ମୌସୁମୀର ଦୁର୍ବଳ ପ୍ରଦର୍ଶନ ନେଇ ପାଣିପାଗ ବିଭାଗ ଆକଳନ କରିଛି ।
ସୂଚନାନୁଯାୟୀ , ଦକ୍ଷିଣ ଆରବସାଗର ଓ ମାଳଦୀପ ଅଞ୍ଚଳ, ଲକ୍ଷାଦ୍ବୀପର କିଛି କିଛି ଅଂଶ, ସମ୍ପୂର୍ଣ୍ଣ କୋମୋରିନ୍ ଅଞ୍ଚଳ, ଦକ୍ଷିଣ ଓ ପୂର୍ବ-କେନ୍ଦ୍ରୀୟ ବଙ୍ଗୋପସାଗରର କେତେକାଂଶକୁ ଆଜି ଦକ୍ଷିଣ-ପଶ୍ଚିମ ମୌସୁମୀ ବାୟୁ ଅଗ୍ରସର ହୋଇଛି ଆଉ ଦୁଇ ଦିନରେ ମୌସୁମୀ କେରଳ ଛୁଇଁବ ବୋଲି ଆଶା କରାଯାଉଛି।
