(ଜମ୍ମୁକାଶ୍ମୀର) : ପୁଣି ସେନା ଗୁଳିରେ ଟଳିଲେ ୪ଆତଙ୍କବାଦୀ । ଭାରତୀୟ ସେନା ଓ ଜେକେପିର ସ୍ବତନ୍ତ୍ର ଅପରେସନ ଗ୍ରୁପ୍ ମଙ୍ଗଳବାର ସକାଳେ ପୁଞ୍ଚ ଜିଲ୍ଲାର ସୁରନକୋଟ ତହସିଲ ଅଞ୍ଚଳରେ ୪ ଜଣ ଆତଙ୍କବାଦୀଙ୍କୁ ଗୁଳି କରି ହତ୍ୟା କରିଛନ୍ତି। ସେମାନଙ୍କ ପାଖରୁ ମିଳିଥିବା ପରିଚୟପତ୍ରରୁ ଜଣାପଡ଼ିଛି ଯେ, ସେମାନେ ସମସ୍ତେ ହେଉଛନ୍ତି ପାକିସ୍ତାନୀ ନାଗରିକ।
ସୂଚନାନୁଯାୟୀ , ଲସ୍କର-ଏ-ତୋଇବାର ସାଜିଦ ଜଟଙ୍କ ନେତୃତ୍ବାଧୀନ ୧୨ ଜଣିଆ ଆତଙ୍କବାଦୀ ଦଳର ସଦସ୍ୟ। ସେମାନେ ପିଓକେର କୋଟଲି ଓ ଅନ୍ତର୍ଜାତୀୟ ସୀମାରେଖା ନିକଟ ସିଆଲକୋଟରେ ରହି ନିଜର ଅପରେସନ ଚଳାଉଥିଲେ। ସମସ୍ତଙ୍କ ବୟସ ୨୩ରୁ ୨୫ ଭିତରେ। ଏହି ୧୨ ଜଣିଆ ଗୋଷ୍ଠୀ ଗତ ୧୮ ମାସ ହେଲା ରାଜୌରି-ପୁଞ୍ଚ ଅଞ୍ଚଳରେ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ଗୁଇନ୍ଦା ସୂଚନାରୁ ଜଣାପଡ଼ିଛି।
