ଶ୍ରୀନଗର: ସାଧାରଣତନ୍ତ୍ର ଦିବସ ପାଳନ ପୂର୍ବରୁ ଜାମ୍ମୁ କାଶ୍ମୀରରେ ସୁରକ୍ଷା ବ୍ୟବସ୍ଥାକୁ କଡା କରାଯାଇଛି । ଏଠାରେ ସୁରକ୍ଷା ବଳ ଉପରକୁ ହେଉଥିବା ଆତଙ୍କବାଦୀ ଆକ୍ରମଣକୁ ଦୃଷ୍ଟିରେ ରଖି ରାଜ୍ୟ ପୁଲିସ ସୁରକ୍ଷା ବ୍ୟବସ୍ଥାକୁ ନେଇକୌଣସି କୋହଳ କରିବାକୁ ଚାହୁଁ ନାହିଁ । ଶ୍ରୀନଗରର ବିଭିନ୍ନ ସ୍ଥାନରେ ଚେକ ପଏଣ୍ଟ କରାଯିବା ସହ ତଲାସୀକୁ ବଢାଇ ଦିଆଯାଇଛି । ପୁଲିସ ବିଭିନ୍ନ ସ୍ଥାନରେ ଗାଡି ମଟର ଯାଞ୍ଚ କରାଯାଉଥଥିବା ଦେଖିବାକୁ ମଳିଛି ।
ରାଜ୍ୟରେ ସ୍ୱତନ୍ତ୍ରତା ଦିବସର କାର୍ଯ୍ୟକ୍ରମରେ ଉପରାଜ୍ୟପାଳ ଜି ସି ମୁର୍ମୁ ରାଜ୍ୟବାସୀଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମ ସେରେ କାଶ୍ମୀର କ୍ରିକେଟ ଷ୍ଟାଡିୟମରେ ଅନୁଷ୍ଠିତ ହେବ । ଏହା ବ୍ୟତୀତ ଏହି ଦିନରେ ସମସ୍ତ ଜିଲ୍ଲାର ମୁଖ୍ୟାଳୟରେ ମଧ୍ୟ ଏହାର ଆୟୋଜନ ହେବ ।
ସୂଚନା ଯୋଗ୍ୟ, ଗତ ସପ୍ତାହରେ ଜାମ୍ମୁ କାଶ୍ମୀର ପୁଲିସ ଶ୍ରୀନଗରରେ ଏକ ଆତଙ୍କବାଦୀ ଆଡ୍ଡାର ଠାବ କରି ୫ ଜଣ ଆତଙ୍କବାଦୀଙ୍କୁ ଗିରଫ କରିଥିଲା । ଏମାନେ ଜାମ୍ମୁରେ ଏକ ଆତଙ୍କବାଦୀ ଆକ୍ରମଣର ଷଡଯନ୍ତ୍ର ରଚୁଥିଲେ ବୋଲି କାଶ୍ମୀର ସେଣ୍ଟ୍ରାଲର ପୁଲିସ ଡିଆଇଜି କହିଥିଲେ । ସେମାନେ ଶ୍ରୀନଗରରେ ସଂଗଠିତ ବିଭିନ୍ନ ଗ୍ରାନାଇଟ ଆକ୍ରମଣ ମଧ୍ୟ କରିଥିଲେ । ଜାନୁଆରୀ ୮ରେ ହାବାକରେ ହେ।।ଇଥିବା ଗ୍ରାନାଇଟ ଆକ୍ରମଣ ହୋଇଥିବା ବେଳେ ସାର ସେଦ ଗେଟ ନିକଟରେ ଦ୍ୱିତୀୟ ଆକ୍ରମଣ ହୋଇଥିଲା ।
ସାଧାରଣତନ୍ତ୍ର ଦିବସ ପାଇଁ କାଶ୍ମୀରରେ ସୁରକ୍ଷା ବ୍ୟବସ୍ଥା କଡା
