କରୋନାକୁ ହରାଇ କାର୍ଯ୍ୟରେ ଯୋଗ ଦେଲେ ୨ କରୋନା ଯୋଦ୍ଧା

(ନିର୍ମଳେନ୍ଦୁ ମିଶ୍ର/ନରସିଂହପୁର): କଟକ ଜିଲ୍ଲା ଆଠଗଡ଼ ଉପଖଣ୍ଡର ଆଠଗଡ ଏସଡ଼ିପିଓ ଆଲୋକ ରଞ୍ଜନ ରାୟଏବଂ ବଡ଼ମ୍ବା ଥାନା ଅଧିକାରୀ ପ୍ରଭାତ ରଞ୍ଜନ ମଲ୍ଲିକ କରୋନାକୁ ହରାଇ ଦୀର୍ଘ ଦିନର ବ୍ୟବଧାନ ପରେ କାର୍ୟ୍ୟରେ ଯୋଗ ଦେଇଛନ୍ତି । ସୂଚନା ଅନୁଯାୟୀ, ବଡମ୍ବା ଥାନା ଅଧିକାରୀ ପ୍ରଭାତ ରଞ୍ଜନ ମଲ୍ଲିକ ଗତ ଜୁନ ୨୭ ତାରିଖରେ କରୋନା ପଜିଟିଭ ଜଣାପଡିବା ପରେ ୧୦ ଦିନ ପାଇଁ କଟକ ଅଶ୍ୱିନ କୋଭିଡ ହସ୍ପିଟାଲରେ ଏବଂ ତା’ପରେ ୧୪ ଦିନ ହୋମ କ୍ୱାରେଣ୍ଟାଇନରେ ରହିଥିଲେ । ଠିକ ସେହିପରି ଆଠଗଡ଼ ଏସଡିପିଓ ଆଲୋକ ରଞ୍ଜନ ରାୟ ଜୁନ ୨୯ ତାରିଖରେ କରୋନାରେ ଆକ୍ରାନ୍ତ ହୋଇଥିବା ଜଣାପଡିଥିଲା । ପରେ ସେ ୧୦ ଦିନ ପାଇଁ କଟକ ଅଶ୍ୱିନ କୋଭିଡ ହସ୍ପିଟାଲରେ ଏବଂ ୧୪ ଦିନ ହୋମ କ୍ୱାରେଣ୍ଟାଇନରେ ରହିଥିଲେ । ଆଜି ଏହି ଦୁଇ ଜଣ ପୋଲିସ ଅଧିକାରୀ କାର୍ଯ୍ୟରେ ଯୋଗ ଦେଇଛନ୍ତି । କଟକ ଗ୍ରାମାଞ୍ଚଳ ଏସ୍ପି ବଡ଼ମ୍ବା ଥାନାରେ ପହଞ୍ଚି ପୁଷ୍ପଗୁଚ୍ଛ ଦେଇ ସେମାନଙ୍କୁ ସ୍ଵାଗତ ଜଣାଇଥିବା ବେଳେ ଦୁହେଁ କଟକ ଜିଲ୍ଲାର ଦକ୍ଷ ପୋଲିସ ଅଧିକାରୀ ବୋଲି କହିଛନ୍ତି।