ଫିଟିବ ପ୍ରିୟଙ୍କା ହତ୍ୟାର ଗୁମର

(ଭୁବନେଶ୍ୱର) ; ଜଗନ୍ନାଥଙ୍କୁ ଚାଲିଛି ଜେରା ! ଫିଟିବ ପ୍ରିୟଙ୍କା ହତ୍ୟାର ଗୁମର । ଭୁବନେଶ୍ୱର ସ୍ଥିତ ଏମ୍ସରୁ ଡିସଚାର୍ଜ ହେଲେ ଜଗନ୍ନାଥ ପ୍ରଧାନ । ଏହାପରେ ଏୟାରଫିଲ୍ଡ ଥାନା ପୁଲିସ ଆଜି ଜଜଗନ୍ନାଥଙ୍କୁ ପଚରା ଉଚରା କରୁଛି । ଭୁବନେଶ୍ୱର ଭୀମଟାଙ୍ଗୀ ପ୍ରିୟଙ୍କା ପ୍ରିୟଦର୍ଶିନୀ ହତ୍ୟାକାଣ୍ଡ ମାମଲାର ମୁଖ୍ୟ ଅଭିଯୁକ୍ତ ଜଗନ୍ନାଥ ପ୍ରଧାନ ପ୍ରଥମେ ପ୍ରିୟଙ୍କା କୁ ହତ୍ୟା କରିବା ପରେ ନିଜେ ହାତ କାଟି ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଥିଲା । ଜଗନ୍ନାଥଙ୍କ ହାତରେ ଗଭୀର ଆଘାତ ଲାଗିଥିଲା । ପୁଲିସ୍ ଗିରଫ କରିବା ପରେ ଚିକିତ୍ସା ପାଇଁ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲା । ପରେ ହାତର ପ୍ଲାଷ୍ଟିକ୍ ସର୍ଜରୀ ପାଇଁ ଭୁବନେଶ୍ୱର ଏମ୍ସ ସ୍ଥାନାନ୍ତର କରାଯାଇଥିଲା । ଜଗନ୍ନାଥଙ୍କ ଏକ ଶିର କଟିଥିବାରୁ ଉନ୍ନତ ମାନର ପ୍ଲାଷ୍ଟିକ୍ ସର୍ଜରୀ ପାଇଁ ତାଙ୍କୁ ଏମ୍ସ ପଠାଯାଇଥିଲା ବୋଲି କ୍ୟାପିଟାଲ୍ ହସ୍ପିଟାଲ୍ ନିର୍ଦ୍ଦେଶକ ଲକ୍ଷ୍ମୀଧର ସାହୁ କହିଥିଲେ।