ତୀବ୍ର ବେଗରେ ବଢୁଛି ହିଂସା

ତୀବ୍ର ହେଉଛି ହିଂସା । ପୁଣି ଅଶାନ୍ତ ହେଲାଣି ବାଂଲାଦେଶ। ଶେଖ ହସିନାଙ୍କୁ ମୃତ୍ୟୁ ଦଣ୍ଡାଦେଶ ଦେବା ପରେ, ଏବେ ଏହି ହିଂସାର ନିଆଁ ଆହୁରି ତେଜିଛି । ବିଭିନ୍ନ ସ୍ଥାନରେ ଦେଖିବାକୁ ମିଳୁଛି ଆନ୍ଦୋଳନ ଏବଂ ପ୍ରତିବାଦର ସ୍ବର । ବର୍ତ୍ତମାନ ମୁହାଁମୁହିଁ ହୋଇଛନ୍ତି  ଆୱାମୀ ଲିଗ ସମର୍ଥକ ଏବଂ  ସୁରକ୍ଷାକର୍ମୀ । ଯେଉଁ ସଂଘର୍ଷରେ ଦୁଇ ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି। ସୂଚନା ଅନୁଶାରେ, ଢାକାରେ ପ୍ରଦର୍ଶନକାରୀମାନେ ଶୋଭାଯାତ୍ରାର ନେତୃତ୍ୱ ନେଉଥିବା ସମୟରେ ଅନେକ ରାଜପଥ ଅବରୋଧ କରିଥିଲେ । ଏହାପରେ ସେମାନଙ୍କର ପୋଲିସ ସହିତ ମୁହାଁମୁହିଁ ପରିସ୍ଥିତି ଉପୁଜିଥିଲା । ତେଣୁ ବିକ୍ଷୋଭ ପ୍ରଦର୍ଶନକାରୀମାନଙ୍କୁ ଘଉଡ଼ାଇବା ପାଇଁ ପୋଲିସକୁ ଲାଠି, ଗ୍ରେନେଡ୍ ଏବଂ ଲୁହ ବୁହା ଗ୍ୟାସ୍ ବ୍ୟବହାର କରିବାକୁ ପଡିଥିଲା।