(ଦିଲ୍ଲୀ) : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ମଧ୍ୟ ଇଡି କାର୍ଯ୍ୟାଳୟକୁ ଯିବେ ନାହିଁ । ଆମ୍ ଆଦମୀ ପାର୍ଟି କହିଛି ଯେ ଏହି ମାମଲା କୋର୍ଟରେ ଅଛି । ମାର୍ଚ୍ଚ ୧୬ରେ କୋର୍ଟରେ ପରବର୍ତ୍ତୀ ଶୁଣାଣି ହେବ। ଏହାପୂର୍ବରୁ, ଇଡି ଫେବୃଆରୀ ୨୨ରେ ଅରବିନ୍ଦ କେଜ୍ରିୱାଲଙ୍କ ନିକଟକୁ ସପ୍ତମ ସମନ ପଠାଇଥିଲା। ଆଗାମୀ କିଛି ଦିନ ମଧ୍ୟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିବାକୁ ସିବିଆଇ ଯୋଜନା କରୁଛି ବୋଲି ଆମ୍ ଆଦମୀ ପାର୍ଟି (ଏଏପି) ଦାବି କରିଛି।
ସୂଚନାନୁଯାୟୀ, ଦିଲ୍ଲୀ କ୍ୟାବିନେଟ ମନ୍ତ୍ରୀ ସୌରଭ ଭରଦ୍ୱାଜ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ କଂଗ୍ରେସ ଏବଂ ଏଏପି ମଧ୍ୟରେ ଆସନ ବାଣ୍ଟି ଆଲୋଚନା ଶେଷ ହେବା ମାତ୍ରେ ଏକ୍ସାଇଜ୍ ନୀତି ସହ ଜଡିତ କେଜ୍ରିୱାଲଙ୍କ ନିକଟକୁ ସପ୍ତମ ସମନ ପଠାଇଛି। ମଦ ବ୍ୟବସାୟୀଙ୍କୁ ଲାଇସେନ୍ସ ପ୍ରଦାନ ପାଇଁ ଦିଲ୍ଲୀ ସରକାରଙ୍କ ଏକ୍ସାଇଜ୍ ପଲିସି କେତେକ ଡିଲରଙ୍କୁ ଅନୁମତି ଦେଇଥିଲା ଏବଂ ଏଥିପାଇଁ ଲାଞ୍ଚ ଦେଇଥିବା ଅଭିଯୋଗ ହୋଇଥିଲା।
