(ଦିଲ୍ଲୀ) : ଆଖି ବୁଜିଲେ ସମାଜବାଦୀ ପାର୍ଟିର ସାଂସଦ ଡା. ଶଫିକୁର ରହେମାନ । ସେ କିଛିଦିନ ହେବ ମୁରାଦାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ। ଏମପିଙ୍କ ନାତି ଜିଆଉର ରହେମାନ ବୁର୍କ କହିଛନ୍ତି ଯେ ତାଙ୍କର ୯୩ ବର୍ଷ ବୟସ୍କା ଦାଦାଙ୍କ ସ୍ବାସ୍ଥ୍ୟ ହଠାତ୍ ଖରାପ ହୋଇଯାଇଥିଲା। ଏହା ପରେ ତାଙ୍କୁ ମୋରାଦାବାଦର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ସୂଚନାନୁଯାୟୀ, ଏହା ପରେ ତାଙ୍କ ଅବସ୍ଥାରେ କିଛି ଉନ୍ନତି ହୋଇଥିଲା। ମଙ୍ଗଳବାର ସକାଳେ ତାଙ୍କୁ ଆଇସିୟୁକୁ ନିଆଯାଇଥିଲା। ଯେଉଁଠାରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଥିଲେ। ଚାରିଥର ବିଧାୟକ ତଥା ଚାରିଥର ଏମପି ଥିବା ଡକ୍ଟର ଶାଫିକୁର ରହେମାନ ବୁର୍କ ୨୦୧୯ ରେ ପଞ୍ଚମ ଥର ପାଇଁ ଏମପି ଭାବରେ ନିର୍ବାଚିତ ହୋଇଥିଲେ। ବୟସ ଏବଂ ଅଭିଜ୍ଞତା ଦୃଷ୍ଟିରୁ ସେ ବିଭାଗର ସବୁଠାରୁ ବରିଷ୍ଠ ରାଜନେତା ଥିଲେ। ତାଙ୍କର ରାଜନନୈତିକ ଆଭିମୁଖ୍ୟ ହେତୁ ତାଙ୍କର ଏକ ସ୍ବତନ୍ତ୍ର ପରିଚୟ ରହିଛି। ତାଙ୍କର ରାଜନୈତିକ ଯାତ୍ରା ୬୦ବର୍ଷରୁ ଅଧିକ ସମୟ ବିସ୍ତାର କରିଥିଲା।
