(ଦିଲ୍ଲୀ) : ଆର୍ଥିକ ସଙ୍କଟରେ ଗୋ ଫାଷ୍ଟ । ମେ’ ୩ ଓ ୪ରେ ବିମାନ ଉଡ଼ାଣ ସ୍ଥଗିତ ରଖିଥିଲା । ଇଞ୍ଜିନ୍ ଯୋଗାଣ ନହେବା କାରଣରୁ ଗୋଫାଷ୍ଟ ଆର୍ଥିକ ସଙ୍କଟର ସମ୍ମୁଖୀନ ହୋଇଛି, ଯାହାଫଳରେ ୨୮ଟି ବିମାନର ଉଡ଼ାଣ ବନ୍ଦ ହୋଇଯାଇଛି। ଗୋଫାଷ୍ଟ ଏୟାରଲାଇନ୍ସର ୬୦ପ୍ରତିଶତରୁ ଅଧିକ ବିମାନର ଉଡ଼ାଣ ବନ୍ଦ କରାଯାଇଛି ବୋଲି ସୂଚନା ମିଳିଛି ।
ଅନ୍ୟପଟେ ତେବେ ଗୋ ଫାଷ୍ଟ ପକ୍ଷରୁ ଏପରି ଘୋଷଣା କରିବା ପରେ ପ୍ରଭାବିତ ଯାତ୍ରୀଙ୍କ ଟିକେଟ୍ ଅର୍ଥ ଫେରାଇ ଦିଆଯିବ । ଅର୍ଥ ଫେରସ୍ତ ନେଇ ଡିଜିସିଏ ପକ୍ଷରୁ କୁହାଯାଇଛି । ମେ ୯ ପର୍ଯ୍ୟନ୍ତ ଉଡ଼ାଣ ବନ୍ଦ ଥିବାବେଳେ ମେ ୧୫ ତାରିଖ ପର୍ଯ୍ୟନ୍ତ ଟିକେଟ ବିକ୍ରି ସ୍ଥଗିତ ରଖାଯାଇଛି ।
ସିଇଓଙ୍କ କହିବାନୁଯାୟୀ , ଗୋଫାଷ୍ଟକୁ ଦେବାଳିଆ ଘୋଷଣା କରିବାକୁ ଆମେ ନ୍ୟାସନାଲ କମ୍ପାନି ଲ’ ଟ୍ରିବ୍ୟୁନାଲକୁ ଅନୁରୋଧ କରିଛୁ। ଏଭଳି ନିଷ୍ପତ୍ତି ପାଇଁ ଟିକେଟ ବୁକ୍ କରିଥିବା ଯାତ୍ରୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ସୋସିଆଲ ମିଡିଆରେ ବ୍ୟକ୍ତ କରିଛନ୍ତି।
